إلا حبيب الله
حرك أوام فرشته
رسم الهلال ضلمه
والمدنه ضمه في حضنها.. قلوب كتير ظالمه
والحق شمسه في السما .. في صبحها نايمه
أرواحنا إحنا فداه
تبت إدين اللي رسم
واللي بحقده غواه
مين علم الفنان
الرسم بالألوان
فين احترام المبادئ
واحترام الرب والأديان
فين احترام الحضارة
واحترام الحق والإنسان
عايز تقيد النار
في مسلمين أحرار
فتنه دي ولا عداوه
وشر .. حقد .. ونار
تبت إدين اللي رسم واللي بحقده غواه
قولوا أوام يا كلاب
مش هو ده الإرهاب
إرهاب لأرواحنا.. ونفوسنا
ودين إله وهاب
بإدين شيطان .. كداب
الشر عنده كتاب
وفرشه ترسم .. تخلي الحق وهم ..و سراب
بتحركوا الأسباب
وتنشرا الإرهاب
عازينها ثوره تضِيع
فيها نفوس ورآب؟!
بينكو الحبيب يتهان
بإدين خسيس وجبان
البابا فين .. والكنيسه
الساسه .. والرهبان
والي بحقده غواه
قوم يا كليم الله
إفتح لنا التوراه
واشهد بحق الله
قول الأمين الهادي.. كان
رحمه وهدى من الله
اشهد يا عيسى .. كمان
بالصدق والإيمان
قول الرسول طه
ختم .. وكل الأديان
قول .. معجزه القرآن
عدل وسلام وأمان
رحمه ومحبه وهدى
نور .. وعد بالغفران
تتصفف الأديان
قرآن في أعلى مكان
إنجيل وتوراه يشهدوا
ان الرسل إخوان
وإن الأمين الهادي.. صلي عليه إله.. ديان
إسلامنا عدل ...وسلام
مش دين سفه .. وكلام
ولادين مؤامره .. وقلوب الشر فيها إمام
إسلامنا رحمه ونور
وباسم رب غفور
محفوظ كتابنا .. ونبينا
الحرف.. طهر ونور
تبت إدين اللي رسم.. واللي بحقده غواه
عزة راجح
شاعرة مصرية